Europianët janë parazitë. Përse në Libi përfundoi ashtu si përfundoi. Përse bëra një hap pas, kur Siria shkeli vijën e kuqe. Ftohja me Arabinë saudite dhe e vërteta e “Afrimit” me Iranin. Përse Shteti Islamik më duket si “Kalorësi i Errët” i Batmanit. Marrëdhënia e keqe me Netanjahun, dhe në fund dy fjalë për Ukrainën dhe Rusinë e Vladimir Putinit. Rrëfimi në 360 gradë për “The Atlantic” i një presidenti në fund të mandatit

“Mjaft me sjellje prej parazitësh të aleatëve europianë”. I ka ardhur në majë të hundës me “begenisjen” e Beniamin Netanjahut. Lufta në Libi ishte një “dështim”. Janë rrëfime që një president zakonisht i ruan për librin e parë me kujtime. Por Barak Obama e zbraz më herët thesin. Ka ende dhjetë muaj në pushtet, por me sa duket mezi pret të lajë hesapet. Me armiqtë dhe me aleatët. E bën në një seri të gjatë intervistash për revistën “The Atlantic”. Prej aty del një mbrojtje e fortë që i bën politikës së tij të jashtme, dhe ndonjë autokritikë. E para: Mos bëj budallallëqe. Parim frymëzues i politikës së tij të jashtmeështë fraza e famshme “don’t do stupid shit”. Ai e përdor si antidot ndaj filozofisë së Xhorxh Bushit…