Korea e Veriut ka testuar një lloj të ri motorri me shtytje të lartë për raketat e veta. Vetë udhëheqësi i vendit, Kim Jong Un ka qenë i pranishëm në testimin që u krye në stacionin e lëshimit të satelitëve në Sohae, sipas asaj që bën të ditur agjencia koreane Kcna.
Me këtë test të radhës, Korea e Veriut vazhdon të testojë jo vetëm sisteme raketash, por edhe nervat e komunitetit ndërkombëtar, sidomos SHBA, që e ka paralajmëruar disa herë. Po kështu, edhe Kina ka bërë një paralajmërim ditët e fundit ndaj udhëheqjes koreano veriore. /bota.al
