Një grup bankash të mëdha ka manipuluar tregun e titujve shtetërorë amerikanë. Një rënie që do të kishte efekte shkatërrimtare

Heike Buchter

Nuk ka kaluar shumë kohë nga skandalet që kanë përfshirë disa banka të mëdha të akuzuara në Europë dhe në Shtetet e Bashkuara se kanë manipuluar përqindjet e interesave ndërbankare dhe shkëmbimet monetare. Këto investigime kanë çuar në dënime të rënda për institutet e kreditit: për shembull, vetëm Deutsche Bank i është dashur që të paguajë në muajin prill një gjobë prej 2.5 miliard dollarësh. Tani autoritetet e vigjilencës amerikane po investigojnë lidhur me një skandal tjetër që përfshin sektorin më të rëndësishëm të tregjeve financiare globale: Titujt shtetërorë amerikanë, të ashtuquajturit treasury.

Me sa duket, bankat kanë rënë dakord për të fiksuar çmimet e këtyre titujve. Në rast se dyshimet do të konfirmohen, zotërinjtë e financës do të kishin shkelur tempullin më të shenjtë e sektorit të tyre. Titujt shtetërorë amerikanë nuk janë obligacione të thjeshta të qeverisë së Uashingtonit, por përbëjnë vetë themelet e sistemit financiar global. Kush dëshiron ta investojë paranë e tij në mënyrë të sigurtë, blen …