Sondazhet janë aktualisht gjithnjë e më pak të besueshme në parashikimin e rezultatit të zgjedhjeve, sikurse e pamë edhe në garën për nominimin e kandidatëve presidencialë në Ajoua të SHBA-së

Nga George Friedman

Javën e kaluar, në prag të votimit të pare, që do të ndihmojë në përcaktimin e kandidatit demokrat dhe republikan për president të SHBA-së, sondazhet thanë se Donald Tramp do të fitonte në Ajoua. Kjo nuk ndodhi. Ka shumë shpjegime për këtë, ku më kryesorja është ajo se se mbështetësit e tij po anojnë më shumë në drejtim të atyre ndaj të cilëve nuk kishin shfaqur më parë ndonjë simpati, dhe se “loja themelore“ e fushatës nuk qe funksionale.

Këto janë shpjegime të arsyeshme dhe sigurisht një pjesë e përgjigjes, por çështja e saktësisë së sondazheve shkon përtej Trampit. Sipas sondazheve para zgjedhjeve parlamentare të majit të viit të kaluar, kryeministri britanik Dejvid Kameron, rrezikonte të humbte ose në rastin më të mirë të arrinte një fitore minimale, e cila nuk do t’i garatonte dot formimin e qeverisë i vetëm. Në fakt ai korri një fitore solide…