Thomas Markle do të humbasë ceremoninë e së shtunës në Windsor sepse ‘ai duhet të përqëndrohet në shëndetin e tij’.
Babai i Meghan Markle nuk do të marrë pjesë në martesën e saj dhe me Princin Harry, njoftoi Pallati Kensington.
Në një deklaratë të lëshuar në emër të saj të enjten pas disa ditësh spekulimi, Markle tha: “Mjerisht, babai im nuk do të marrë pjesë në martesën tonë. Gjithmonë kam pasur kujdes për babanë dhe shpresoj se kështu atij mund t’i jepet hapësirë që të përqëndrohet në shëndetin e tij.
“Unë do të doja të falënderoj të gjithë ata që kanë shpërndarë mesazhe mbështetëse.”
Thomas Markle , 73 vjeç, raportohet se iu nënshtrua operacionit në zemër të mërkurën, sipas faqes së internetit të famshëm të SHBA TMZ, përmes së cilës ai duket se po komunikon me mediat.
TMZ raportoi se ai ishte “i vëmendshëm dhe koherent” pasi mjekët implantuan tre stentë. E cituan atë të thoshte: “Jam mirë. Do të duhet një kohë e gjatë për t’u shëruar. Do të qëndroj në spital edhe disa ditë të tjera. Nuk më lejohet të ngazëllehem. ”
Dyshimet nëse do të merrte pjesë apo jo, ishin ngritur për herë të parë të hënën, kur u tha se ai nuk do të ishte atje, sepse ishte turpëruar nga akuzat që kishte bashkëpunuar me një agjenci fotografish, për të organizuar fotot paparace që do të përgatiteshin për ngjarjen. Është raportuar gjithashtu se ai kishte pësuar një atak në zemër javën e kaluar.
Në atë kohë Pallati Kensington bëri thirrje për respekt dhe mirëkuptim ndaj tij. Duket se vajza e tij është ende duke shpresuar se ai do të ndryshojë mendje.
Të martën, babai i saj e ndryshoi mendjen, duke thënë se vajza e tij i kishte shprehur se e donte dhe ishte e shqetësuar për të. Pastaj u raportua se po planifikonte të merrte pjesë, me kusht që mjekët t’i jepnin përparësi. Por, ai u tha se po vuante nga dhimbje në gjoks, dhe më vonë atë ditë u raportua se ai kërkoi një operacion.
Harry ende nuk e ka takuar vjehrrin e tij të ardhshëm. Takimi i tyre i parë duhet të ishte bërë këtë javë, kur të dy prindërit e Markle-it do të njiheshin me Mbretëreshën dhe anëtarët e tjerë të familjes mbretërore.
Duke pasur parasysh profilin e lartë ndërkombëtar të martesës së saj, ajo kuptohet se e ka ndjerë të rëndësishme për të dhënë sqarime publike për rolin e babait të saj në ceremoni, duke pasur parasysh sasinë e madhe të spekulimeve./The Guardian-Bota.al
