Në një Nju Jork ku bie dëborë, një vajzë dhe një djalë takohen rastësisht mes kalimtarëve. Mjafton një çast, një shikim dhe të dy fillojnë të vallëzojnë, pa e vrarë mendjen për ata që i rrethojnë dhe as dëborën. Përshkojnë ura, ecin mespërmes makinave, duke kërcyer në një harmoni që duket surreale. Hapat e kërcimit të këtyre dy të rinjve që kërcejnë duke dëgjuar muzikë me AirPods të lidhur me iPhone X e saj, janë lejtmotivi i spotit që Apple ka realizuar për Krishtlindje.
Në fund të spotit, kur të dy janë duke u puthur, atmosfera e ëndrrës merr fund dhe nis realiteti. Të dy ndahen, dhe secili niset në rrugë të vet. Por para se video të përfundojë, Apple u dërgon një mesazh klientëve të vet: “Emociono dikë këto pushime”. Eshtë një mënyrë, thonë në Apple, për të inkurajuar njerëzit të dalin bashkë, të kujdesen për njëri-tjetrin, të kujtojnë rëndësin e qëndrimit të bashkuar, edhe në diversitet.
Dhe protagonistët që dashurohen nën notat e muzikës së Sam Smith, janë një çift edhe në jetën reale: dy balerinët që Apple ka zgjedhur për spotin e Krishtlindjeve janë Lauren Yalango-Grant dhe Christopher Grant dhe janë burrë e grua.
Video është transmetuar në SHBA me rastin e Ditës së Falënderimeve. / Bota.al