Një grup shkencëtarësh kanë publikuar planin për krijimin e një shteti-komb të ri pacifist në hapësirë. Shteti-komb hapësinor, sipas shkencëtarëve, do të quhet Asgardia dhe do të vendoset në orbitën e Tokës. Ajo do të jetë “tokë e askujt”.
Kombi i ri synon që në fund të vitit të ardhshëm të lëshojë satelitin e tij dhe shpreson se një ditë do të njihet nga Kombet e Bashkuara.
“Qytetarët” e Asgardias do të pajisen me pasaporta, ka thënë Lena de Winne, anëtare e ekipit që për 15 vjet punon në Agjencinë Evropiane të Hapësirës.
