“Nuk dua të harxhoj atë që më ka mbetur nga rinia ime, duke bërë sikur jam më e re në moshë, dhe pastaj të mos shijoj jetën”. Salma Hayek, 50 vjeç, mund të ketë depërtuar në Hollywood si kukull kinemaje, por ajo prej kohësh i ka lënë këto role në pluhurin e “Desperados”.
Këto kohë, ajo është shndërruar në një “motorr” të vërtetë: prodhon seriale televizive, ka krijuar një firmë për kujdesin e lëkurës dhe makijazhin që quhet Nuance, ka investuar në kompaninë “Juicegeneration” dhe, po, merret edhe me kinemanë. Këtë muaj do të shfaqet në filmin aksion “Truproja i vrasësit”, që del në kinema të premten.
