Numri më i lartë i vdekjeve në botë nga koronavirusi ka ndodhur në dy vendet, udhëheqësit e të cilëve erdhën në pushtet duke premtuar rivendosjen e madhështisë dhe kontrollit – Shtetet e Bashkuara dhe Britania e Madhe. Asnjëra nuk mund të pretendojë se është kapur në befasi: të dy kombet kishin favorin e kohës, paralajmërime të bollshme shkencore dhe shembujt paralajmërues të Kinës dhe Italisë.
Ngjashmëritë janë të mëdhaja, përfundimet të pashmangshme. Këtu në Mbretërinë e Bashkuar, ne e ngushëlluam veten me besimin se ndërsa vetë udhëheqësi ynë i djathtë kishte gabimet e tij, të paktën ai nuk ishte Donald Trump. Por në fund të fundit, Boris Johnson ka arritur të pengohet edhe në këtë pengesë të ulët. Përgjigja e qeverisë së Britanisë së Madhe ndaj krizës ka rezultuar të jetë po aq e paqartë dhe e papërgatitur si ajo e SH.B.A.
Dy kombe që krenoheshin me statusin e tyre të jashtëzakonshëm ekonomik, historik dhe politik, janë në gjunjë. Rënia e tyre nga madheshtia është rezultat i një kulture politike të dëmtuar dhe një formë të veçantë të kapitalizmit anglo-amerikan.
Gjatë katër viteve të kaluara, vendimet e pamatura politike u arsyetuan duke i nënshtruar realitetit në retorikë. Kostoja e largimit nga BE do të ishte “praktikisht zero”, me një marrëveshje të tregtisë së lirë që do të ishte një nga “më të lehtat në historinë njerëzore”. Armiqtë imagjinarë ishin ngritur dhe luftimet e rreme u konfirmuan pasi që të dy vendet prishën lidhjet e tyre me kombet e tjera dhe institucionet ndërkombëtare.
Diskursi politik u përqëndrua në nocione të mëdha abstrakte të rilindjes dhe restaurimit, në një mënyrë që kërkonte disa arritje konkrete. Gjithçka që qeveria Tori duhej të bënte ishte Brexit Done, duke e bërë këtë nxitimthi. Në SH.B.A., gjithçka që Trump duhej të bënte për të ruajtur besnikërinë e mbështetësve të tij, ishte të fliste rreth një muri me Meksikën, apo të miratonte ndonjë ligj racist që ndalonte udhëtimin drejt SHBA.
Kur puna e qeverisë kufizohet tek populizmi, radhët e saj pastrohen nga të aftët dhe në vend të tyre popullohen me tifozë. Kështu ne përfunduam me kastin aktual të anëtarëve të kabinetit Tori. Në SH.B.A., nocioni i një “administrate” është shkatërruar. Siç thotë profesori i gazetarisë në Universitetin e Nju Jorkut, Jay Rosen, “Nuk ka Shtëpinë të Bardhë. Jo në kuptimin që gazetarët gjithmonë e kanë përdorur këtë term. Është thjesht Trump – dhe njerëzit që punojnë në ndërtesë.”
Në kohën kur Covid-19 goditi brigjet e tyre, në Mbretërinë e Bashkuar dhe SH.B.A. mungonin jo vetëm politikanët, por dhe burokracitë e duhura për t’u përgjigjur në mënyrë efektive. Para krizës, Trump në mënyrë të përsëritur u përpoq të hiqte fonde për Qendrën për Kontrollin dhe Parandalimin e Sëmundjeve (CDC). Në Mbretërinë e Bashkuar, pandemia nuk i leverdiste kabinetit Tory i përqafuar në një mosmarrëveshje me shërbimin e vet civil. Infrastruktura intelektuale dhe praktike për t’u marrë me fakte ishte vandalizuar.
2 minutes read
