Aristoteli
(384-322 P.E.S)
Filozofi i shquar grek, përcaktoi rrugën e shkencës për më shumë se 1.800 vjet. Është për të ardhur keq, pasi teoritë e tij – bazuar me shumë tek arsyetimi në vend të vëzhgimit – qenë thuajse universalisht ç’orientuese. Graviteti sikurse e pa Aristoteli, ishte prirja e objekteve të rënda për t’u vendosur në qendër të universit.
Galileo Galilei
(1564-1642)
Ky filozof natyral besoi në rëndësinë e eksperimentit dhe për rrjedhojë hodhi poshtë idetë e Aristotelit mbi gravitetin. Edhe pse i njohur për përpjekjet e tij për të promovuar modelin Kopernikan të Sistemit Diellor, kontributi më i madh i Galileos qe eksplorimi i tij metodik i mekanikës dhe lëvizjes, duke përfshirë edhe ndikimin tek graviteti.
Isak Njutoni
(1643-1727)
Fizikanti më i madh anglez. Shumica e punës së tij mbi dritën, lëvizjen, gravitetin dhe makinën llogarritëse u krye në Kembrixh, edhe pse shumicën e arritjeve e pati kur qëndronte i mbyllur në shtëpinë e tij në Linkolnshajër, për shkak të epidemisë së Murtajës. Ai u bë më vonë deputet, dhe President i Shoqërisë Mbretërore – por fizika mbetet trashëgimia e tij më e rëndësishme.
Albert Ajnshtajni
(1879-1955)
Ajnshtajni lindi në Ulm të Gjermanisë, edhe pse qe një qytetar zviceran, duke nisur nga adoleshenca e tij. Ai shkroi 3 studime në vitin 1905, duke punuar në një zyrë patentash, kur do të tregonte se atomet ishin të vërteta, dhe vendosur kësisoj themelet e teorisë kuantike dhe krijuar Relativitetin Special. Teoria e tij e Relativitetit të Përgjithshëm e vitit 1915, është ende teoria standarde e gravitacionit.
Artur Edingtoni
(1882-1944)
I lindur në Lake District, Edingtoni punoi si astronom dhe astrofizikant në Kembrixh. Kur u pyet nëse ishte e vërtetë se vetëm 3 njerëz në botë e kuptuan Teorinë e Përgjithshme të Relativitetit, Edingtoni thuhet se ka pyetur: “Kush është i treti?”. /www.bota.al
