Një polic italian, i cili përdorte faqen e internetit Couchsurfing.com( host-traveller) për të joshur gratë e reja, është arrestuar dhe do të gjykohet në muajin mars.
Polici 35 vjeçar, Dino Maglio i cili jeton në Padova përdorte këtë website, ku përmes tij kontaktonte me turiste nga vende të ndryshme të botës, të cilave u siguronte shtëpinë e tij si “hostis” kur udhëtonin në Itali dhe më pas i drogonte dhe i përdhunonte.
Ai akuzohet se ka përdhunuar një 16 vjeçare australiane, e cila në kohën e dhunimit dhe drogimit nga polici, ishte e minorene.
Sipas prokurorëve, polici Maglio ka pranuar se e ka droguar 16 vjeçaren dhe më pas ka kryer marrëdhënie seksuale me të, edhe pse e dinte se ajo ishte e mitur.
Kjo çështje ka nxitur një hetim më të gjerë pasi shumë femra të tjera kanë denoncuar se janë dhunuar nga Dino Maglio, pasi kanë përdorur faqen popullore të internetit për të rregulluar një vend qëndrimi tek ai. Tre raste të tjera janë duke u hetuar nga Kryeprokuror i çështjes, i cili ka marrë deklarata nga gjashtë gra të tjera të cilat thonë se ato janë abuzuar.
Deklaratat janë mbledhur nga gazetarët në Investigative Reporting Project Italy.
Rasti ngre pyetje të reja për sigurinë e website CouchSurfing, një faqe sociale në internet mjaft popullore, ku përmes së cilës shumë udhëtarë arrijnë të gjejnë një shtrat të lirë, ushqim të ngrohtë dhe miq të rinj, gjithashtu është e lidhur edhe me shumë sulme seksuale gjatë viteve, sië ishte edhe ai i përdhunimit të një turisti nga Hong Kongu në Leeds në vitin 2009./j.h/TemA/
