Nga Ivan Krastev
Sofje, Bullgari – Menjëherë pas grushtit të shtetit të vitit 1851 nga Luis Napoleoni në Paris, 5 nga mendjet më të mëdha politike në Evropë, u ulën në tryezat e tyre të punës, për të kapur kuptimin e ngjarjeve. Të pestë ishin njerëz shumë të ndryshëm. Karl Marksi ishte një komunist. Pier Prudoni një anarkist. Viktor Hygo, poeti francez më popullor i kohës së tij, një romantik. Dhe Aleksis dë Tokëvil dhe Uollter Bejxhot ishin liberalë.
Interpretimet e tyre mbi grushtin e shtetit, ishin aq të ndryshme sa edhe filozofitë e tyre. Por sikurse historia e atij burrit që e kepkuptoi gruan e tij për një kapelë, ata të gjithë e ngatërruan fundin e valës revolucionare në Evropë me fillimin e saj. A ka bërë media perëndimore të njëjtin gabim gjatë viteve të fundit?
