SHKURT / Gjërat më të rëndësishme nga bota, deri në këto momente
31/08/2015
1 minute read
Angela Merkeli u bën thirrje gjermanëve të mos i bashkohen protestave kundër refugjatëve.
Kriza e paprecedentë e imigrantëve detyron ministrat e Bashkimit Europian të thërrasin një samit të jashtëzakonshëm, për të gjetur zgjidhje urgjente.
Parlamenti i Ukrainës mbështet një draft ligj që do i japë status special lindjes. Autoritetet besojnë se kështu do të zbusin përpjekjet e rajoneve për t’u ndarë.
Kina do të hapë një lidhje hekurudhore të shpejtësisë së lartë me Korenë e Veriut, përpjekja më e fundit për të fuqizuar lidhjet ekonomike, pavarësisht tensioneve.
Japonia synon të rrisë shpenzimet për mbrojtjen, përballë rritjes së tensioneve për ishujt pranë Kinës.
Aksionet e Europës dhe Azisë pritet të pësojnë rënien më të madhe në tre vite, sipas Federal Reserve në SHBA.
Cmimi i naftës bie sërish nën 49 dollarë për fuci. Ndikim të madh ka kriza në vazhdim që vjen prej Kinës.
SHBA po mendon të vendosë sanksione në vijim të vjedhjeve kibernetike nga ana e hackerave kinezë, sipas Uashington Post./Bota.al
