Evropianët postmodernë mund të mos pëlqejnë ta dëgjojnë këtë, por shtetet-kombe janë ende të domosdoshme për ruajtjen e kulturave dhe sigurinë e kontinentit

Nga Peter Berkowitz

“Mosaic Magazine”

Në hyrjen e tij tek libri “Demokracia në Amerikë” (1835), Aleksis dë Tokëvil shpjegoi se evropianët mund të mësojnë shumë mbi të ardhmen e tyre nga Shtetet e Bashkuara:vendi ku barazia e marrëdhënieve sociale – tipar i përcaktimit të epokës demokratike, në të cilën kishin hyrë si Evropa dhe SHBA-ja – kishte arritur formën e saj më të përparuar.

Përvoja e kombit të ri, shkruan Tokëvil, hedh dritë mbi disa tendenca të natyrshme në demokraci, që në fakt mund ta dobësojnë pasionin për lirinë dhe institucionet që e mbrojnë atë. Kuptimi i kësaj dukurie potencialisht shkatërruese, shpresonte ai, do ndihmonte të dashuruarit pas lirisë në Evropë dhe Amerikë, në marrjen e masave për të mbrojtur lirinë dhe në këtë mënyrë përforcuar demokracinë…