Sindromi i zorrës së irrituar nuk ka ndonjë shkaktar etiologjik të mirevidentuar, por mendohet se shkaktohet në personat, të cilët janë duke kaluar nën kushtet e stresit, apo të ankthit. Disa nga shenjat e kësaj sëmundjeje, po i rendisim më poshtë:
- Dhimbje në formë krampesh e përhapur në gjithë zonën abdominale.
- Ndryshime në tranzitim intestinal, shpesh me diarre dhe me nevojë të herëpashershmë për të shkuar në tualet.
- Shije e hidhur në gojë, edhe nëse keni ngrënë pak minuta më parë diçka të ëmbël.
- Jashtëqitje jo e zakonshme, zakonisht në sasi shumë të vogël dhe në formë jo të zakionshme.
- Ankth dhe probleme me stresin. Siç e thamë edhe më lart, këta janë dy shkaktarët kryesorë të kësaj patologjie.
- Palpitacione, të tilla që ju mund të ndjeni të rrahurat e zemrës edhe përmes sipërfaqes së lëkurës.
- Lodhje. Si pasojë e humbjeve në lëngje për shkak të diarresë, kemi ulje të presionin arterial dhe lodhje të vazhdueshme të personit.
- Refluks gastroezofageal, i cili është kthim i ushqimit të stomakut në ezofag me dëmtim të mukozës ezofageale, si pasojë e lëngut acid të stomakut. Shpesh sindromi i zorrës së irrituar komplikohet me refluks gastroezofageal dhe anasjelltas.