Njerëzit me tipare të caktuara të personalitetit, të shikuara negativisht, mund të kenë më shumë fat kur bëhet fjalë për gjetjen e dashurisë. Njerëzit me tipare patologjike të personalitetit si impulsiviteti dhe neuroticizmi kanë më shumë fat në dashuri, zbulon një studim. Studimi gjithashtu zbuloi se ata me tipare të errët të personalitetit kanë më shumë partnerë dhe më shumë fëmijë. Konkluzionet vijnë nga pothuajse 1000 burra dhe gra heteroseksuale me një gamë të gjerë të tipareve të personalitetit. Studiuesit kanë zbuluar disa dallime interesante midis burrave dhe grave.
Meshkujt që janë disi obsesivë-impulsivë tentojnë të kenë më shumë partnerë sesa konkurrentët e tyre më pak imponues. Ndër gratë, ato që janë shumë neurotike kanë 34% më shumë gjasa që të kenë një partner dhe 73% kanë më shumë gjasa të kenë një numër mesatar fëmijësh.
Teoria është se këto tipare të personalitetit kanë disa avantazhe, edhe pse konsiderohen negative. Për shembull, ka të ngjarë që njeriu obsesiv ka dyfishin e parave të njeriut jo-obsesiv, zbuluan studiuesit. Kjo mund të ndodhë sepse shoqëria tenton t’i shpërblejë ata që janë të vazhdueshëm në të njëjtat detyra dhe zhvillojnë aftësi të caktuara me kalimin e kohës. Për femrat, një personalitet neurotik mund të jetë tërheqës sepse disa nga sjelljet që e shoqërojnë këtë lloj personaliteti , mund të jenë tërheqëse.
Për shembull, të qënit impulsiv dhe të ndërmarrit e risqeve, tenton të jetë tipar tërheqës. Këto rezultate plotësojnë ato të një studimi të mëparshëm që testonte efektet e përputhshmërisë. Edhe pse shumë njerëz e dinë se një njeri rebel është tërheqës, rezultatet përmbysin idenë se meshkujt preferojnë gratë që luajnë sipas rregullave.
Gratë në studim e kuptuan se tipari i konformitetit do të kishte tërhequr meshkujt, por nuk ndodhi kështu. Fakti që gratë mendojnë se meshkujt preferojnë konformitetin mund të jetë një mbetje e kohës së seksizmit. Në ditët kur gratë duhet të jenë të këndshme, të nënshtruara dhe modeste, edhe tendenca drejt pajtueshmërisë do të kishte përshtatur këtë stereotip. Për fat të mirë ato kohë kanë ikur. / bota.al
