Tregu i sekreteve, që mund të nisë një revolucion tregtar

Sa vlen një sekret? Nëse ke një që ia vlen ta shesësh, mund të gjesh mundësinë përmes një shërbimi në internet të quajtur “Darkleaks”. Krijuesit e përshkruajnë atë si një treg për informacione të ndjeshme, sipas stilit të zbulimeve të WikiLeaks, apo autofotografive nudo të njerëzve të famshëm. Të mirat dhe të këqiat e një tregu të tillë do të debatohen gjatë dhe ashpër. Por DarkLeaks ja vlen ta shohësh për shumë arsye, përveç të fshehtave që do të nxjerrë. Një nga karakteristikat e saj më të spikatura është sesi i lejon blerësit dhe shitësit të fshehin identitetin e tyre. Çelësi për këtë është zinxhiri i Bitcoinit – dy fjalë që vështirë se do ju bëjnë të zgurdulloni sytë. Por janë gjithësesi dy terma që bëni mirë t’i mbani mend, sepse do i dëgjoni gjithmonë e më shpesh.
Në thelb zinxhiri i Bitcoinit është një bilanc i të gjitha transaksioneve në monedhën digjitale: çdo herë që një monedhë Bitcoin ndërron duar, një regjistrim i shtohet zinixhirit të bilancit. Një kopje e bilancit mbahet nga çdo kompjuter që ka programe të pavarur Bitcoini, duke e bërë atë një regjistrim të përhershëm dhe të besueshëm. Është karakteristika më e rëndësishme e sistemit, pasi e lejon monedhën të funksionojë pa mbikqyrjen e një autoriteti qëndror. Bitcoini mund ose mund të mos jetë e ardhmja e parasë. Por zinxhiri i bilancit është një çështje krejt tjetër.
Shumë vëzhgues të teknologjisë besojnë se ka potencialin për të transformuar ekonominë. Sepse shtesa e informacionit në bilancin digjital është e kollajtë dhe e lirë, mund t’ia kalojë të gjitha llojeve të sistemeve të rënda për mbjatjen e arkivave dhe regjistrimit të pronësisë.
Kodues ambiciozë janë duke duke imagjinuar tashmë një ekonomi të tërë të ndërtuar në bilancet e Bitcoinit, nga që kjo të lejon ty të shesësh shtëpinë pa noterë e pa t’u dashur të ngasësh një veturë pa shofer. Sipas një eksperti, zhvillimi i Darkleaks është “një hap i nevojshëm” drejt kësaj. Teknologjitë e Komunikimit shpesh gjejnë adoptues të hershëm në industrinë që është akoma në gjenezë: ku mund të kishte interneti pa pornografi? Darkleaks mund të ketë dicka të ngjashme, por mund të rezultojë një kërcim kuantik për teknologjinë e monedhës digjitale dhe bilancit digjital.
Bota.al