Sporti është një nga aktivitetet më të dobishme për organizmin e njeriut. Ka disa mënyra për ta stërvitur trupin, por jo gjithmonë ecin me cilësinë. Ekspertët rekomandojnë disa disiplina më shumë sesa të tjerat. Doktoresha I-Min Lee, profesor doktor në Universitetin e Harvardit parashtron llojet më të mira për të punuar me trupin. Ajo e përjashton vrapin sepse është i dëmshëm për artikulacionet dhe sistemin tretës.
Noti. Këtu biem dakord të gjithë dhe është një nga më të vlefshmit, pasi përfshin të gjithë muskujt e organizmit, rrit ritmin kardiak duke përmirësuar shëndetin e zemrës. Mbron trurin nga mplakja, zvogëlon tensionin muskular dhe është ideal për ata që vuajnë nga artriti.
Tai chi. Është një art marcial kinez që kombinon ushtrimet respiratore me lëvizje rrethore të buta. Kontribuon në përmirësimin e posturës (drejtqëndrimit), ekuilibrit, fleksibilitetit dhe forcës. Disiplinë harmonike që jo vetëm ndihmon mirëqënien fizike, por edhe atë mendore, redukton stresin.”Ekuilibri është thelbësor në formën fizike dhe humb me rritjen e moshës,” – shprehet I-min Lee.
Ushtrimet e forcës. Këto lloj ushtrimesh janë të domosdoshme për një mplakje të shëndetshme. Specialistja shpjegon se ngadalësimi i humbjes së masës muskulare sjell një ekuilibër më të mirë, nxit metabolizmin dhe forcon kockat. Ushtrimet janë të shumta që nga peshat e lehta ose të rënda, ushtrime të rezistencës, biçikleta, ngjitja e shkallëve ose ecja malore. Ushtrimee e forcës rekomandohen dy ditë në javë për grupet e mëdha të muskujve.
Ecja. Të ecësh me hap të ngadaltë është një mënyrë e shkëlqyer ushtrimi. Aktivizimi i muskujve të poshtëm të trupit rrit ritmin kardiak dhe minimizon stresin. Ndihmon artikulacionet, por jo vrapi. Është perfekt për ata që fillojnë të ushtrohen. Ekipi i Harvardit rekomandon të fillohet me 10-15 minuta dhe më pas të rritet progresivisht intensiteti dhe kohëzgjatja deri në gjysëm ore.
Ushtrimet e Kegelit. U krijuan nga Arnold Kegel në vitet 40 për të kontrolluar urinimim tek gratë që sapo kishin lindur. Sot përdoren për të forcuar muskujt e legenit, sidomos të pjesës së poshtme të tij. Më vonë u zbulua se jepnin rezultate të mira për të arritur kënaqësinë seksuale gjatë marrëdhënies, pasi forcon muskujt e poshtëm të lidhur me uterusin dhe bën që femrat të arrijnë më shpejt orgazmën. Duhet të shtriheni në kurriz, këmbë të mbledhura dhe shputa në dysheme, më pas duhet t’i tkurrni muskujt e pelvisit dhe pas 15 minutash relaksojini. Kjo seancë duhet të përsëritet 10 herë. Specialistët rekomandojnë dy herë në javë për të patur rezultate.
