Kemi përmbysur rezultate dhe shpesh na ndihmuar fati, por edhe jemi ndëshkuar atëherë kur nuk e kemi pritur, si fjala vjen në ndeshjen e së hënës ndaj Portugalisë në mniutën e 92-të, duke pësuar edhe humbjen e parë në këto eliminatore të Euro 2016-s. Gjithsesi, ky element i rëndësishëm në futboll, sipas “Panorama Sportit” dje ishte “harxhuar” në pesë ndeshjet e mëparshme.
Portugali – Shqipëri 0-1
Rikardo Horta godet shtyllën në pjesën e dytë. Shqipëria shpëton, teksa merr një fitore historike falë golit të Bekim Balajt.
Shqipëri – Danimarkë 1-1
Shënojmë me Lenjanin, por pësojmë në fund nga danezët dhe rrezikojmë të na përmbysin në kohën shtesë.
Shqipëri – Armeni 2-1
Në minutat shtesë, kur Shqipëria po fitonte 2-1, armenët rrezikojnë të na barazojnë, por i ndal shtylla. Shpëtojmë për mrekulli. Cikalleshi goditi dy here shtyllën, i pafat kur rezultati ishte 0-1 dhe gjithashtu pas barazimit 1-1.
Danimarkë – Shqipëri 0-0
Cikalleshi gjuan me kokë në pjesën e pare, por traversa dhe portieri i mohojnë golin. Në fund është Roshi që del i vetëm me portierin dhe gabon fatalisht në një rast ideal.
Shqipëri – Portugali 0-1
Nani godet shtyllën, por Cikalleshi i kundërpërgjigjet kur rezultati ishte 0-0. 10 minuta para përfundimit të ndeshjes fati ishte me ne, kur Eliseu me atë goditje me hark me portën bosh nuk shënoi. Në minutën shtesë do të lanim “borxhin” e fatit, portugezët n andëshkojnë me Veloson. /sportal.al
