Trajneri i kombëtares së Gjermanisë, Joachim Low, zbuloi për mediat se çfarë i tha Mario Goetze përpara se ai të hynte në fushë dhe të shënonte atë gol vendimtar për fitimin e Kupës së Botës. “I thashë Goetze që shko dhe tregoji botës se je më i mirë se Lionel Messi dhe që mund të fitosh Kupën e Botës,” tha Low. Gjermania fitoi me rezultatin 1 me 0 në kohën shtesë, duke mundur kështu Argjentinën e Lionel Messi-t dhe fituar Kupën e Botës për herë të katërt. Miliona njerëz në Gjermani, por edhe në mbarë botën shpërthyen në gëzim. Në stadium ishte edhe kancelarja Angela Merkel, që i përqafoi të gjithë lojtarët. /TemA/
