John Obi Mikel thotë se Olivier Giroud është dashur të përjashtohej me karton të kuq në ndeshjen ndërmjet Francës dhe Nigerisë. Les Bleus e fituan me rezultat 2-0 takimin e të tetës së finales, ndërsa gjatë lojës sulmuesi i Arsenalit e preku pak me bërryl qëllimisht mesfushorin e Chelseat. Këtë e pa arbitri Mark Geiger, por ai vetëm ia tërhoqi vërejtjen sulmuesit francez duke mos e ndëshkuar. “Po, më goditi me bërryl dhe arbitri e pa dhe vetëm e paralajmëroi, madje nuk i dha as karton të verdhë, asgjë”. “Ishte gjë e keqe. Ne e njohim futbollin – nëse e sheh, duhet të veprosh. Arbitri e pa”, ka deklaruar Mikel për Mirror Sport. /Telegrafi/
