A mundet që disa ushqime të zhduken, apo kërcënimi është i tepruar? ‘BBC Future’ shqyrton mitet dhe realitetin

Nga Rachel Nuwer

Më herët gjatë vitit që po lëmë pas, shkencëtarët paralajmëruan se 1 në 6 lloje kafshësh, mund të zhduken për shkak të ndryshimit të klimës. Por a mundet që e njëjta gjë të ndodhë me prodhimet tona ushqimore? Është e qartë se fermerët në shumë pjesë të botës, do ta përballen me shumë vështirësi në dekadat e ardhshme. Javën e kaluar, ‘BBC Future’ u ndal tek përpjekjet e një shkencëtari, për të ndihmuar drithërat të përshtaten me shtimin e thatësirës.

Ushqimet nuk ka të ngjarë të zhduken nën efektet e ndryshimeve klimatike, por kjo nuk është e gjithë historia. Nga ana tjetër, kjo s’do të thotë se ka vetëm lajme të mira për ushqimin e së ardhmes.  Ne ndoshta do të duhet të ndryshojmë vendin se ku t’i kultivojmë të lashta të caktuara, në kushtet kur disa rajone do të bëhen shumë të nxehta. Negativ në këtë rast, është fakti se fermerët lokalë do ta vuajnë këtë skenar. Dhe disa njerëz mund të luftojnë, për të patur të njëjtën qasje në ushqime të caktuara…