“E vështirë, por ta provojmë”, kështu e titullon Il Giornale sipërmarrjen e Juves në Santiago Bernabeu. “Juve kundër Realit është një statistikë e pamëshirshme”. Në kupën e kampioneve, 0-3 është përmbysur vetëm një herë në 221. Ndërkohë Allegri ka thënë se “dua të bëjmë një ndeshje të mirë, pastaj…”.
Buffon: “Ne do të përpiqemi të bëjmë të pamundurën”, ndërkohë që gazetarët kujtojnë se shifrat flasin për një përpjekje në kufijtë e të pamundurës, edhe pse Schalke 04 në çerekfinalet e 2015-ës fitoi 4-3 në Madrid, pasi kishte humbur 0-2 në shtëpinë e saj. Edhe atë mbrëmje, ashtu si sonte, mungonte Sergio Ramos. / bota.al
