Organi më i madh i brendshëm është zorra e vogël. Pavarësisht se quhet më e vogla e të dyja zorrëve, ajo është në fakt 4 herë me e gjatë se sa gjatësia mesatare e sa një personi të rritur.
Zemra e njeriut krijon presion të mjaftueshëm për të pompuar gjakun deri në 10 metra distancë. Nuk është çudi që ju mund të ndjeni aq lehtësisht rrahjet e zemrës. Pompimi i gjakut në trupin tuaj shpejt dhe me efikasitet, kërkon shumë presion çka rezulton në kontraktime të forta të zemrës dhe mureve të trasha të ventrikulave, që shtyjnë gjakun nëpër trupin tonë.
Acidi në stomakun tuaj është aq i fortë sa të tretë edhe brisqet. Ndërsa me siguri që ju nuk duhet ta testoni forcën e stomakut duke gëlltitur një brisk apo ndonjë objekt tjetër metalik, acidet që tretin ushqimin që hani duhet të merren seriozisht. Acid klorhidrik që gjendet në stomakun tuaj, është jo vetëm i mirë në shpërbërjen e picës që sapo keni ngrënë në darkë, por gjithashtu mund të tretë shumë lloje metalesh.
Trupi i njeriut vlerësohet të ketë 96.000 km enë gjaku. Sa për krahasim, distanca përreth tokës është rreth 41.000 km, çka do të thonë se enët do të rrotulloheshin më shumë se 2 herë reth planetit tonë.
Ju pësoni një ndryshim të strukturës së stomakut çdo 3-4 ditë. Në rast se nuk zëvëndësohen vazhdimisht, qelizat e mukusit që rreshtohen në muret e stomakut, shpërbëhen shpejt për shkak të acideve të forta që ndihmojnë tretjen e ushqimit në stomak. Ata që vuajnë nga ulçera, e dinë mirë sa i dhimbshëm mund të jetë momenti kur acidi prek muret e stomakut.
Sipërfaqja e mushkërive të njeriut, është e barabartë me një fushë tenisi. Për të oksigjenuar në mënyrë më efikase gjakun, ato janë të mbushura me mijëra bronkite të ngjashme me konkrrën e rrushit. Këto të fundit janë të mbushura me kapilarë mikroskopike ku ndodh shkëmbimi i oksigjenit me dioksidin e karbonit. Sasia e madhe e sipërfaqes e bën më të lehtë këtë proces, dhe garanton që trupi ynë të qëndrojë i oksigjenuar siç duhet gjatë gjithë kohës.
Zemrat e grave rrahin më shpejt se ato të burrave. Arsye kryesore është se gratë mesatarisht kanë prirje të jenë më të vogla në përmasa trupore se sa burrat, ndaj dhe kanë më pak masë për të pompuar gjak. Por zemrat e grave dhe burrave mund të veprojnë krejt ndryshe, veçanërisht kur përjetojnë trauma si p.sh një atak kardiak, dhe shumë trajtime që funksonojnë për burrat, duhet të modifikohen apo ndryshohen tërësisht në rastin e grave.
Shkencëtarët kanë numëruar mbi 500 funksione të ndryshme të mëlçisë. Ju ndoshta nuk e vrisni shumë mendjen për mëlçinë pas një nate të gjatë plot me alkool, por ajo është një nga organet më të mëdha të trupit, që punon fort dhe është shumë e ngarkuar. Disa nga funksionet që kryen mëlçia janë:prodhimi i bilirubinës, dekompozimi i qelizave të kuqe të gjakut, sinteza e proteinave të plazmës dhe detoksifikimi.
Aorta ka një diametër gati sa një zorrë uji. Zemra e një të rrituri mesatar, është sa madhësia e dy grushteve, duke e bërë madhësinë e aortës shumë mbresëlënëse. Arteria duhet të jetë aq e madhe, teksa është furnizuesja kryesore e pjesës tjetër të trupit me gjakun e pasur me oksigjen.
Mushkëria juaj e majtë është më e vogël se e djathta, për t’i bërë vend zemrës tuaj. Nëse do tiu kërkohej të krahasonin një foto të tyre, shumica e njerëzve do të shprehej se ato kanë thuajse të njëjtën madhësi. Ndërsa mushkëritë janë mjaft të ngjashme në madhësi, zemra e njeriut, e vendosur lehtësisht në të majtë, krijon një hapësirë më të ngushtë në këtë anë të trupit.
Ju mund të hiqni një pjesë të madhe të organet tuaja të brendshme, dhe sërish të mbijetoni. Trupi i njeriut mund të duket i brishtë, por ka mundësi të mbijetojë edhe me heqjen e stomakut, shpretkës, 75 përqind të mëlçisë, 80 përqind të zorrëve, një veshke, një mushkërie, dhe pothuajse çdo organi nga zona e legenit dhe ije. Ju ndoshta nuk do të ndjeheni shumë mirë, por organet e munguara nuk do t’iu vrasin.
Gjëndra mbiveshkore e ndryshon madhësinë e saj gjatë gjithë jetës. Kjo gjendër që ndodhet mbi veshka, është përgjegjëse për çlirimin hormoneve të stresit si kortizoli dhe adrenalina. Në muajin e shtatë të zhvillimit të fetusit, gjëndra ka afërsisht të njëjtën madhësi sa një veshkë. Në lindjen e fëmijës, gjëndra tkurret pak dhe do të vazhdojë ta bëjë këtë gjatë gjithë jetës. Në fakt, deri në kohën që një person mbërrin moshën e thyer, gjëndra është kaq e vogël sa që vështirë se mund të shihet. / www.bota.al
