Testet e personalitetit shpesh nxjerrin në pah aspekte të karakterit që ndonjëherë nuk e dinim se i kishim. Në këtë artikull ju sjellim një test të thjeshtë që kërkon vetëm pak sekonda. Mjafton vetëm të shohësh imazhin, të thuash çfarë ke parë të parën, buzët, pemët apo rrënjët. Secila prej këtyre zgjedhjeve, tregon diçka për personalitetin tuaj. Ky test po bën xhiron në internet, pasi jep shumë të dhëna interesante për personalitetin e gjithkujt, disa prej të cilave mund të mos i njihnit.
Nëse gjëja e parë që keni parë, janë buzët, do të thotë se jeni një person i thjeshtë, fleksibël, që përshtateni me çdo lloj situate. Përpiqeni të bini dakord me të tjerët, por duhet t’i kushtoni rëndësi edhe naivitetit tuaj, pasi jo të gjithë janë të ndershëm si ju. Personat e tjerë drejtohen tek ju kur kanë nevojë për këshilla, duke besuar tek gjykimi juaj.
Nëse shikimi ju ka shkuar për herë të parë tek pemët, do të thotë se jeni tipa ekstrovertë që e vrisni shumë pak mendjen për mendimin e të tjerëve. Besoni në raportet familjare, shoqërore, ama të tjerët e kanë të vështirë të krijojnë raport të mirë miqësor me ju. Kur është e nevojshme, dini t’i fshihni mirë emocionet tuaja.
Nëse keni parë rrënjët të parat, jeni persona introvertë, por dini t’i pranoni kritikat konstruktive. Njiheni si persona me këmbë në tokë që dini t’i peshoni mirë fjalët tuaja. Nuk thoni asgjë thjesht për ta thënë. Duke pasur synime shumë të larta për veten tuaj, herë pas here vuani nga problemet me vetëvlerësimin.
