Nga Jan Techau, “Carnegie Europe”

Bashkimi Evropian i së nesërmes do të përcaktohet nga një politikë e jashtme më e integruar, fundi i euros, një treg më i plotë i përbashkët, dhe më shumë realpolitikë. Në fund të gjithë kësaj çmendurie, si do të ngjajë BE-ja? Kjo është një pyetje e dëgjuar shumë këto ditë, në një formë ose në një tjetër. Shumica e vëzhguesve ndjejnë se këto janë kohë të jashtëzakonshme për Evropën, dhe se realitetet politike shpejt mund të duken shumë ndryshe.

Dhe ndërsa është e pamundur të parashikohet, se si do të transformohet projekti më i madh politik në histori nën presionet ekzistenciale, nga brenda dhe jashtë, të gjitha këto presione synojnë në një drejtim të caktuar, kur është fjala për të ardhmen e Evropës. Le ta fillojmë duke thënë se nuk do të ketë kurrë një fund për gjithë këtë çmenduri. Çështjet njerëzore nuk kanë asnjëherë në një pikë fundore, një lloj ekuilibri magjik të të gjitha forcave lëvizëse, në të cilat këto çështje mund të ngrihen dhe ruhen…