Një gjeni argjentinas në Barcelonë. Një bardhekaltër i rritur në Katalonjë. Për një njeri që thyen rekordet personalë çdo vit që kalon, duke fituar miliona zemra, kufiri i fundit për Leo Messin janë bashkatdhetarët e tij. Në Argjentinë, ku Maradona është Perëndi, është e vështirë që mitet dhe legjendat të bashkëekzistojnë. Rusia do të tregojë vendin e Messit në historinë e Argjentinës

B. Aney

…  Kurrë një lojtar nuk i ka ngjarë kaq shumë Maradonës në fushë, e në të njëjtën kohë të ketë qenë kaq u ndryshëm. Lista e bëmave të Maradonës është e gjatë. Eshtë folur për orgji me kokainë e me prostituta, si dhe lidhje me disa prej familjeve më të famshme të mafias së Napolit. Ai u dëbua nga SHBA 1994 për doping dhe që atëherë, ka pësuar atake në zemër si dhe ka hyrë e ka dalë nga rehabilitimi disa herë. Megjithatë, Argjentina ia fal të gjitha dhe e nderon si futbollistin më të madh në histori. Ata kujtojnë Maradonën që qante, kur luhej himni kombëtar, dhe e krahasojnë me Messin, i cili as nuk e këndon…

[real3dflipbook id=”384″]