Debatet e ashpra dhe batutat sarkastike, ndërmjet kryeministri italian Mateo Renci dhe kreut të Komisionit Evropian Zhan Klod Junker pak ditë më parë, s’duhet të shmangin vëmendjen nga problemet reale që po e rrënojnë unionin. Dialektika, gjithaq e ashpër, mbi hapat që duhen ndërmarrë, është thelbi i politikës dhe njerëzve që kujdesen për projektin evropian. Por tjetër gjë janë pasojat, që mund të shkaktojë e gjithë dinamika në hapësirën e përbashkët. Sot, në një det pasigurish ekonomike dhe duke luftuar kundër terrorizmit islamik, duhet të ndërmerren 5 hapa për të shmangur katastrofën.

1 – As Shengen dhe as Euro

Shengeni pa euron s’ka kuptim. Edhe vetëm ndryshimi i Traktatin mbi lëvizjen e lirë të njerëzve – në variantin që do të donte Gjermania, domethënë të kufizohet për disa vende, të gjykuara si të besueshme të Evropën veriore – do të thotë ta bësh të pakuptimtë ekzistencën e Euros. Shengeni, ashtu si Mastrihtit dhe Traktati i Romës, është një nga gurët e themelit të Bashkimit Evropian, dhe përfaqëson kushtetutën materiale të BE-së. Pezullimi apo thjesht reduktimi, nënkupton vënien në diskutim të arsyes themelore të jetesës…