Një mesazh që thotë se shërbimet e Viber nga tash e tutje do të jenë me pagesë, del të jetë komplet i pasaktë. Mesazhi, i cili është riaktualizuar kohës së fundit dhe po qarkullon në masë të madhe në aplikacionin për dërgim të porosive dhe thirrjeve gratis, Viber, ka bërë që shumë persona të bien pre e këtij mashtrimi. Duke parë këtë shqetësim në rritje të përdoruesve tanë të këtij shërbimi, Koha.net ka kontaktuar me një zyrtar për informim të Viber, i cili ka konfirmuar se nuk ka asgjë të vërtetë në këtë aspekt. “Na vjen keq që dëgjojmë se jeni duke pranuar porosi “spam” nga përdorues tjerë të Viber-it. Kjo porosi është krejtësisht mashtrim dhe nuk duhet marr seriozisht”, ka thënë Owen S. për koha.net. Më tej, zyrtari për informim i Viber ka kërkuar nga personat që pranojnë këtë porosi mashtruese, të njëjtën ta përcjellin në numrin +12120020022. Porosia që përdoruesit e Viber-it janë duke e pranuar kohëve të fundit është kjo:
