Misioni i wikipedias është të ofrojë dije dhe informacion falas për këdo që zotëron të drejtën e hyrjes në internet. Megjithatë, kushdo që ka internet mund të rregjistrohet dhe të redaktojë faqet. Gjë që nëse keqpërdoret, rezulton në atë që klasifikohet si vandalizëm. Ka njerëz që i shtrembërojnë faktet me keqdashje dhe askush nuk i kontrollon.
Ekziston një sistem mjaft i fuqishëm rregullimi, por problemete që hapin njerëzit, janë të shumta në numër dhe është e pamundur për t’u përballuar.
Kjo është pjesa në të cilën hyjnë robotët. Me fjalë të tjera: programet kompjuterike. Robotët gjurmojnë çdo ndyshim të mundshëm që bëhet dhe kthejnë menjëherë versionin e saktë, nëse një vandal vendos të bëjë pak rrëmujë. Rreth 1,941 robotë janë autorizuar që të kujdesen për afërsisht 38,818,162 faqe në wikipedia, të numëruara së fundmi.
