“Nuk ka kërcënim më të madh për kritikët dhe cinikët dhe njerëzit që nxisin frikë, se sa ata prej nesh, që jemi gati të rrëzohemi, sepse kemi mësuar se si të ngjitemi sërish në këmbë”
“Rising strong: The reckoning. The rumble. The revolution”, nga Brenè Brown
“Eshtë mundsia që ëndrra të të realizohet, ajo që e bën jetën interesante”
“The Alchemist”, nga Paulo Coelho
“Njerëzit mendojnë se një shpirt binjak është i duhuri, dhe këtë duan të gjithë. Por një shpirt binjak i vërtetë është një pasqyrë, personi që të tregon gjithçka që të frenon, personi që të sjellë në vëmendje të vetes tënde, me qëllim që të ndryshosh jetën tënde”.
“Eat, Pray, Love” nga Elizabeth Gilbert
“Nuk e kupton dot kurrë një person, deri kur i sheh gjërat nga këndvështrimi i tij… Deri kur ngjitesh brenda lëkurës së tij dhe ecën nëpër të”.
“To Kill a Mockingbird” nga Harper Lee
“Nuk besoj në mbylljen e diçkaje. Çfarë do të thotë? Do të thotë mbyllje e një dere, kyçje e kujtimeve, refuzim për të lejuar rrjedhën e ndërgjegjes, që mund të përfshijë edhe një masë dhembjeje?”
“On My Own” nga Diane Rehm
“Ne pranojmë dashurinë që mendojmë se meritojmë”.
“The Perks of Being a Wallflower” nga Stephen Chbosky
“E bukur do të thotë ‘plot me bukuri’. E bukur nuk ka të bëjë me atë se si dukesh së jashtmi, por nga se je formuar. Njerëzit e bukur kalojnë kohë duke zbuluar se cila është ideja e tyre e bukurisë mbi këtë tokë. Ata e njohin veten aq mirë, sa të dijnë se çfarë dashurojnë, dhe e duan veten mjaftueshëm për ta mbushur me nga pak prej bukurisë së tyre të veçantë, çdo ditë”.
“Love warrior” nga Glennon Doyle Melton
“Nuk ka agoni më të madhe, se sa të mbash një histori të parrëfyer brenda vetes tënde”
“I Know why the Caged Bird Sings”, nga Maya Angelou
“Nuk mund të ketë asnjë dyshim, se secili prej nesh mund të shohë vetëm një pjesë të pikturës. Doktori sheh një, pacienti një tjetër, inxhinieri një të tretë, ekonomisti një të katërt, zhytësi që kërkon perla të pestën, i alkoolizuari të gjashtën, orëndreqësi të shtatën, bariu i deleve të tetën, lypësi indian të nëntën dhe pastori të dhjetën. Dija njerëzore nuk është kurrë e nxënë brenda një njeriu. Ajo rritet prej marrëdhënieve që krijojmë me njëri-tjetrin dhe me botën, dhe sërish nuk është kurrë e plotë”.
“When Breath Becomes Air”, nga Paul Kalanithi
“Teksa ai lexonte, unë rashë në dashuri ashtu si ju bini në gjumë; ngadalë, dhe pastaj menjëherë”.
“The Fault in Our Stars”, nga John Green
“Qeniet njerëzore kanë nevojë për besnikëri. Ajo nuk prodhon domosdoshmërisht lumturi, dhe madje mund të jetë e dhimbshme, por ne të gjithë kërkojmë devocion ndaj diçkaje më të madhe se vetja jonë, që jetët tona të jenë të pranueshme. Pa të, ne kemi vetëm dëshirat tona për të na prirë rrugën, dhe ato janë fluturake, kapriçoze dhe të panginjshme”
“Being Mortal”, nga Atul Gaëande
“Asgjë nuk jetë nuk është aq e rëndësishme sa mendoni që është, ndërkohë që jeni duke menduar për të”.
“Thinking, Fast and Slow”, nga Daniel Kahneman
“Kur e bën dashurinë për të tjerët historinë e jetës tënde, nuk ka kurrë një kapitull të fundit, sepse historia vazhdon pambarim. I jep hua dritën tënde një personi, dhe ai ose ajo ia përcjell një tjetri dhe një tjetri dhe një tjetri”.
“What I Know for Sure”, nga Oprah Winfrey
“Kudo të fluturosh, do të jesh më e mira e më të mirave. Kudo që të shkosh, do të dalësh mbi të gjithë. Përveçse, kur nuk do ta bësh. Sepse ndonjëherë, nuk do ia dalësh. Më vjen keq ta them por, është e vërtetë se rruga do të jetë me gropa dhe me gunga”
“Oh! The Places You’ll Go”, nga Dr. Seuss
“Nuk kishte fare të bënte me pajisjet, apo çizmet, apo çantën e shpinës, apo filozofitë e një epoke të caktuar, apo edhe me shkuarjen nga pika A në pikën B. Kish të bënte me mënyrën si ndiheshe të ishe në natyrën e egër. Si ishte të ecje për kilometra të tëra, pa patur arsye tjetër, përveçse të bëheshe dëshmitar i akumulimit të pemëve dhe livadheve, maleve dhe shkretëtirave, përrenjve dhe shkëmbinjve, lumenjve dhe liqeneve, lindjeve dhe perëndimeve të Diellit. Përvoja ishte e fuqishme dhe themelore. Mu duk sikur gjithmonë kështu kish qenë, të ishe një qenie njerëzore në mesin e natyrës së egër, dhe sa kohë që ekzistonte natyra e egër, gjithmonë kështu do të ndiheshe”.
“Wild”, nga Cheryl Strayed
“Hapi sytë dhe shih ç’të mundesh me to, para se të mbyllen një herë e përgjithmonë”.
“All the Light We Cannot See”, nga Anthony Doerr
“Më kishin thënë se dashuria duhej të ishte pa kushte. Ky është rregulli, të gjithë kështu thonë. Por nëse dashuria nuk ka kufij, nuk ka kushte, atëherë përse gjithësekush duhet të përpiqet të bëjë gjënë e duhur? Nëse unë e di se do të më duan, pavarësisht gjithçkaje, ku është sfida këtu?”
“Gone Girl”, nga Gillian Flynn
“Të rriturit nuk kuptojnë asnjëherë, asgjë të vetëm, dhe është e lodhshme për fëmijët që t’u shpjegojnë gjithmonë gjërat atyre”.
“The Little Prince”, nga Antoine de Saint-Exupéry
“Dështimi final i Shteteve të Bashkuara, ndoshta nuk do të burojë nga problemet që shohim apo konfliktet ku marrim pjesë. Me gjasë do të burojë nga besimi ynë i pakompromis në gjërat që i konsiderojmë të pandëshkueshme dhe të idealizuara dhe të bukura. Sepse çdo forcë është një dobësi, nëse i jepet mjaftueshëm kohë”.
“But What if We’re Wrong”, nga Chuck Klosterman
“Autonomia, kompleksiteti dhe një lidhje mes përpjekjes dhe shpërblimit – janë, siç e pranojnë shumë njerëz, tre cilësitë që duhet të ketë puna, nëse doni të jetë e kënaqshme”.
“Outliers”, nga Malcolm Gladwell
“Vetëm pasi kemi humbur gjithçka, jemi të lirë të bëjmë çdo gjë”.
“Fight Club”, nga Chuck Palahniuk
“Njerëzit nxitojnë më pak që të të duartrokasin, teksa plakesh. Jeta fillon me të gjithë që të duartrokasin teksa “bën kakën” kur je bebe, dhe prej aty vazhdon poshtë e më poshtë”.
“I Was Told There’d Be Cake”, nga Sloane Crosley
“Të falësh, këtë duhet ta bësh vetëm një herë. Të mbash mëri, këtë duhet ta bësh gjithë ditën, çdo ditë”.
“The Light Between Oceans”, nga M.L. Stedman
“As nuk e kam idenë se si të ndryshoj njerëzit, por sërish mbaj një listë të gjatë me kandidatë të mundshëm, nëse ndonjëherë do të arrij ta gjej se si t’i ndryshoj”.
“Naked”, nga David Sedaris
“Secili prej nesh është më shumë se sa gjëja më e keqe që kemi bërë ndonjëherë”.
“Just Mercy”, nga Bryan Stevenson
“Të marrësh veten nga vuajtja nuk është njësoj si të marrësh veten nga një sëmundje. Shumë njerëz nuk dalin të shëruar; ata dalin të ndryshuar”
“The Road to Character”, nga David Brooks
“Nuk do të doja që të zbrisje në ëndrrën tënde. Më mirë të ishe një qytetar i ndërgjegjshëm i kësaj bote të tmerrshme dhe të bukur”.
“Between the World and Me”, nga Ta-Nehisi Coates
“Zemërimi dhe turpërimi janë shpesh fqinjë”.
“Yes Please”, nga Amy Poehler
“Më pëlqejnë festat e mëdha. Janë kaq intime. Në festat e vogla nuk ka privatësi”.
“The Great Gatsby”, nga F. Scott Fitzgerald
“Thonë se e vlerëson vërtetë një kopsht, kur arrin një moshë të caktuar… Duket se ka diçka mrekullibërëse kur sheh optimizmin e të resë, që rritet pas zymtësisë së dimrit, një lloj gëzimi në ndryshimin e çdo viti”.
“Me Before You”, nga Jojo Moyes / Përzgjodhi dhe shqipëroi: Bota.al
