Disa prej tyre sigurisht që e dinin. Filozofët grekë debatonin për formën dhe natyrën e Tokës që në shekullin e gjashtë para Krishtit dhe ndonëse “Teoria e Tokës rrethore” i është atribuar matematikanit Pitagora, shumica e pjesëtarëve të arsimuar të shoqërisë binin dakord se planeti ishte sferik.
Në mesin e shekullit të tretë para Krishtit, filozofi dhe matematicieni Eratosteni e çoi më larg këtë koncept dhe pasi studioi këndin e hijes që bëhej gjatë solsticit veror në qytetin e tij të lindjes, Aleksandri, ai përllogariti se Toka kishte një perimetër prej 250 mijë stadesh. Fatkeqësisht, gjatësia e saktë e një stade nuk dihet, megjithëse matematicienët modernë sugjerojnë se shifra e tij përmbante një gabim prej pak a shumë 16%./bota.al
