Keshilla

8 mësime nga libri “365 ditë me vetëdisiplinë”

1. Disiplina vetiake është e vështirë

Vetë-disiplinë do të thotë ta jetosh jetën në mënyrën e vështirë: t’u rezistosh tundimeve dhe kënaqësisë së menjëhershme, në mënyrë që të marrësh shpërblime më të mëdha dhe më të mira në të ardhmen. Sigurisht që është më e lehtë të shmangësh të gjitha llojet e shqetësimeve dhe të kënaqësh veten sa herë të duash dhe mundesh, por në fund, gjithçka që merr nga kjo qasje është kënaqësia kalimtare e tanishme, në kurriz të së ardhmes suaj, e cila përndryshe mund të kishte qenë shumë më e mirë.

2. Një vendim mund të krijojë një precedent të gabuar

Duhet vetëm një moment për të bërë zgjedhjen e gabuar dhe për të rrezikuar të ardhmen tuaj. Ai që duket si një vendim i parëndësishëm sot mund të ketë një ndikim të madh dhe të vazhdueshëm në të ardhmen tuaj. Çdo zgjedhje krijon një precedent – dhe kur bëni të njëjtën zgjedhje të gabuar disa herë radhazi, ajo kthehet në modus operandi-n tuaj standard.

3. Ju keni aftësinë për të qenë i disiplinuar

Njerëzit kanë aftësinë për të vepruar kundër kërkesave të tyre në këmbim të një të ardhmeje më të mirë. Fatkeqësisht, shumë njerëz jetojnë sipas parimit “nëse ndihet mirë, bëje, dhe nëse jo, mos e bëj”. T’i nënshtroheni tundimeve tuaja sa herë që ndjeni se ato shfaqen është si të hiqni dorë nga humaniteti juaj, në një farë mënyre. Si një qenie njerëzore inteligjente, ju keni një aftësi – dhe madje një detyrim – për të marrë vendime që bazohen në të menduarit racional, jo vetëm në instinktet tuaja.

4. Bëhu një njeri më i mirë

Përpiquni të jeni një njeri më i mirë dhe përqafoni humanitetin tuaj duke ushtruar “muskulin e vullnetit”, në vend që t’i nënshtroheni pjesës suaj më parësore (dhe më pak të dobishme për qëllimet tuaja afatgjata), të trurit. Instinktet tuaja më parësore mund të ofrojnë rehati të përkohshme, por rrallë janë të mira për një afat të gjatë, përveç kur ekziston një kërcënim i drejtpërdrejtë për mbijetesën tuaj.

5. Vendosja e sistemeve për vetëdisiplinën

Përgatituni për situata të vështira duke vendosur pengesa përpara kohe, kur vendosmëria juaj nuk është duke u vënë në provë. Sistemi juaj i vetëkontrollit do të bëjë një pjesë të punës për ju, duke lënë rezervat tuaja të vetëdisiplinës për t’u përdorur për situatat e paplanifikuara, kur ato lindin.

6. Çdo gjë varet nga ju

Ndërsa rrethanat e jashtme mund të ndikojnë, në fund të fundit, nëse ato do të kontrollojnë jetën tuaj varet nga ju. Ashtu siç thoshte James Allen, kur arrini vetëkontrollin, askush (dhe asgjë) nuk do të ketë fuqinë t’ju skllavërojë.

7. Të gjithë po luftojnë

Në prapaskenë, të gjithë luftojnë në disa fusha të jetës së tyre.

8. Bëni zgjedhjen sot

Personi që do të bëheni pas dhjetë vjetësh me shumë mundësi nuk do të jetë i njëjti person që jeni sot, por do të jeni sërish ju – dhe është në duart tuaja nëse, dhjetë vjet nga sot do të shikoni prapa dhe do të ndiheni të lumtur që e keni forcuar veten – APO zbuloni se keni vendosur të jeni egoist dhe të vidhni nga e ardhmja juaj, për hir të një kënaqësie të shkurtër sot.

Back to top button