Letersi

“Thesari im”. Poezia e trishtë e Sharl Bodler. Ia vlen ta lexoni…

Nëse dhomat e shpirtit tim do vizitoje

Çfarë pretendon se do shikoje?

 

Cilin përbindësh mendon se fsheh?

Po të zhgënjej, por nuk më njeh.

 

Nuk ka nevojë për të trokitur

Hyr, shih, kërko, mbet’ e habitur.

 

Mure të zbrazët lyer pa ngjyra

Fotografi, por pa fytyra.

 

Diku e hedhur afër shtratit

Është nje kuti e tersit, e fatit.

 

E mbushur plot është me kujtime.

Brenda gjithë historia ime.

 

Janë fjalët që kam thënë aty,

gjithkush që njoha, përfshi ty.

 

Gjithçka që bëra, e që vetëm i ëndërrova

Vendet ku shkela, ku jetova.

 

Janë zënkat tona dhe mëritë

Janë puthjet netëve pa dritë.

 

Veset e mia që aq urreve

Mërgimi i ngadaltë i reve.

 

Dënimet që vuajta për ty

Herët kur s’të pash në sy.

 

Jetët që pa ty jetova

Të tjera femra që dashurova.

 

Janë dhe sekretet që s’të kam thënë

E amanetet që të kam lënë.

 

Fëmijet që kurrë nuk më lindën

Epshet që vrava se nuk mu bindën.

 

Ka letra, që për ty i shkrova

Në zarfet që kurrë s’ti dërgova.

 

E nëse gjithcka përmbys do kthesh

Sekretin më të madh do gjesh.

 

E kam fshehur në fund fare

Po s’e zbulove, s’ke pare gjë fare.

 

Nxirre mes duarsh në shtrëngim

Atë më të shtrenjtin sendin tim.

 

Balsamin që plagët shëronte

kur kjo djall jete më kafshonte.

 

Para fytyrës ngadalë afroje

Dhe mbylli sytë, pastaj zbuloje.

 

E kur ngadalë ta kesh zbuluar.

Veç një pasqyrë do gjesh në duar.

 

Do shohësh veten, reflektim

Se ti , ishe thesari im!

Show More

One Comment

  1. Shpreh emocione te medha te cilat mbartin dhe shfaqin trishtimin e tij .
    Veten do shohesh ,reflektim
    Se ti ishe thesari im–Aty ajo do mund te shoh vetem veten dhe askend tjeter sepse ai ka ikur tashme.
    Dhe kur te shoh vetem veten do te kuptoj qe ka qen thesari me.i madh per dike!!!

Leave a Reply

Your email address will not be published. Required fields are marked *

Back to top button
Close
Close