E ardhmja për disa është shumë e qartë, e programueshme në mënyrë të përkryer, një rrugë për të cilën janë të njohura kthesat dhee vijat drejta. Për të tjerët nuk është gjithmonë aq e dukshme, por kjo nuk do të thotë që duhet të heqim dorë nga udhëtimi.
Në jetë të gjithë janë penguar dhe me siguri shumë do të pengohen.
Dikush do të bjerë, dikush tjetër do të ngrihet. Është jeta e tillë, dhe ajo që ka rëndësi është që të mos fajësojmë fatin ose të ndihemi të përndjekur, por të përvetësojmë përvojat dhe të vazhdojmë përpara.
Duhet të kuptojmë mirë se ku nuk duhet të ktheheni, çfarë gabimesh të mos përsërisim, cilët njerëz të përjashtojmë nga jeta jonë …
Ky është mësimi më i madh që jeta na jep për të vazhduar udhëtimin tonë:
1- Mos u ktheni në mjedise të rënda dhe pa dritë
Me këtë nënkuptojmë mjediset fizike, si njerëzit ashtu edhe situatat. Këto rrethana që peshojnë më shumë se sa është e nevojshme, të cilat e bëjnë ajrin të zhduket dhe që prishin mendimet dhe perspektivat. Është e nevojshme, edhe në betejat e përditshme, të ketë dritë, të ketë sa më pak errësirë të jetë e mundur.
2- Mos u ktheni më tek ata që jetojnë me premtime të rreme
Ata që mashtrojnë, të vetëdijshëm që janë duke e bërë këtë. Çdokush mund të përjetojë një situatë të vështirë që pengon mbajtjen e një premtimi ose zvarritjen e tij në kohë. Por ka shkatërrues të ëndrrave, ata që jetojnë me mashtrim. Pastrojeni mjedisin prej tyre, pa asnjë hezitim!
3- Mos u ktheni tek miqtë e rremë
Tek ata që, atëherë kur duhet të jenë aty pranë jush, papritmas zhduken, ata që kanë agjendën plot justifikime dhe fraza rrethanore. Miqësia, ajo e vërteta, është e bërë nga të qeshurat, nga momente ndjeshmërie, por edhe përkushtimi dhe afërsie.
4- Mos u ktheni tek një punë që nuk është për ju
Kjo është ndoshta gjëja më e vështirë për të bërë, për shkak të vështirësive që kemi sot në gjetjen e një vendi që na lejon të jetojmë me dinjitet. Është gjithashtu e vërtetë, nga ana tjetër, se nuk është e mundur të jetosh një realitet që nuk mund të tolerohet, një që të shtyp.
Nuk janë këshilla të lehta për t’u vënë në praktikë, absolutisht. Ne duhet t’i marrim ato si ushqim për mendimet tona dhe si pika përmirësimi për jetën dhe për të ardhmen.
Është e domosdoshme mbi të gjitha të kuptojmë se çfarë nuk mund ta mbajnë dhe që duhet ta heqim qafe.
Vetëm në këtë mënyrë, pas këtij spastrimi të pashmangshëm, do të ndihemi më të lehtë dhe më të motivuar për t’u përballur me të përpjetat e shumta të jetës, që të gjithë njerëzit hasin në udhëtimin e tyre.
MeB
