Kjo është shumë pozitive sepse mund të qëndrojmë pranë njerëzve që duam, edhe nëse jemi në anën tjetër të botës. Megjithatë, nga ana tjetër, ne shohim gjithnjë e më shumë njerëz të bllokuar në botën virtuale dhe të izoluar nga ata që i kanë fare pranë.
Kjo është alarmante dhe na tregon se është e nevojshme për të diskutuar mbi ndikimin e teknologjisë në marrëdhëniet fizike ndërpersonale në “botën reale”.
Është mirë të takosh njerëz të kombësive dhe kulturave të ndryshme dhe është mirë të mbash kontakt me miqtë dhe të afërmit që jetojnë larg në internet, por zëvendësimi ose lënia pas dore e pranisë fizike, përqafimeve, bisedave të sinqerta, kohërave të gëzueshme, kjo nuk është e shëndetshme për ne. Ne jemi qenie shoqërore që lulëzojnë në raport me njëri-tjetrin dhe kështu mesazhet me tekst dhe emojis kurrë nuk do të jetë mënyra jonë e vërtetë për t’u lidhur me botën.
Rrjetet sociale, edhe nëse na sjellin më afër atyre që janë larg, na distancojnë edhe nga ata që janë pranë nesh, ky është një fakt që perceptohet edhe në analizën më të shpejtë të shoqërisë. Njerëzit po flasin gjithnjë e më pak, nuk shikojnë njëri-tjetrin në sy dhe nuk dinë si të krijojnë marrëdhënie të drejtpërdrejta, sepse ata janë shumë të zënë duke parë në ekranet e telefonave të tyre celularë.
Ne kemi nevojë për të thjeshtuar jetën tonë përsëri, duke krijuar një ekuilibër mes jetës reale dhe jetës në internet.
Ne kemi nevojë për më shumë përqafime dhe më pak Whatsapp, më shumë momente dhe më pak mesazhe, më shumë intensitet, momente të jetës me shpirtrat tanë, një lidhje më të thellë me veten dhe me njerëzit rreth nesh. Duhet të mësojmë të pranojmë më shumë veten tonë dhe të varemi më pak nga gjërat e rreme, që të njohim bukurinë dhe dhuntitë tona të vërteta.
Avantazhet e teknologjisë janë të pamohueshme dhe ndikimi i tyre në botën tonë ka anën pozitive, por ne duhet të mësojmë se si ta përdorim atë për ta shfrytëzuar dhe të mos kufizohemi, në mënyrë që të jetë një plotësim pozitiv i jetës sonë, por jo që të bëhet vetë jeta jonë.
Epoka dixhitale hap një botë të re për ne, por nuk duhet të zëvendësojë atë që kemi, marrëdhëniet, bisedat, shqetësimet, dashurinë.
Një pajisje elektronike kurrë nuk do të jetë më mirë se një shoqëri e vërtetë, nuk duhet të mësohemi të jetojmë prapa ekranit, jo kur kemi një botë të mrekullueshme për të jetuar. Shumë gjëra, vetëm jeta reale mund t’na i ofrojë.
Pra shtoni më shumë realitet në jetën tuaj!
Dilni nga telefoni juaj celular dhe festoni me njerëzit që janë me ju. Përqafoni, përpiquni të flisni, udhëtoni, takohuni sa më shumë që të jetë e mundur me njerëzit në jetën tuaj. Asgjë nuk mund ta zëvendësojë lumturinë e vërtetë të ofruar nga kohërat e mira, të kaluara me një person tjetër.
Kjo është një nga pasuritë më të çmuara të jetës! / MeB
