“Lindim vetëm, jetojmë vetëm, vdesim vetëm. Vetëm përmes dashurive tona dhe miqësisë, mund të krijojmë iluzionin, për një moment, se nuk jemi vetëm”
ORSON WELLES
Kur kujdesemi për veten dhe e duam njëri-tjetrin, duket se për inerci, të tjerët fillojnë të na duan dhe të kujdesen për ne: kemi ndjenjën se gjithçka është më e lehtë. Ajo që është e sigurt është se të dashurit na japin jetën, por, në fund të fundit, jemi ne dhe vetëm ne të vetmit që vendosim se çfarë duam të bëjmë me atë që kemi para nesh.
Dashuria, miqësia dhe familja na japin ngrohtësinë që na nevojitet dhe na mbështesin në të gjitha rrethanat. Megjithatë, nëse nuk ka ngrohtësi brenda nesh, do të vazhdojmë të ndjehemi të ftohtë. Është e dobishme të kuptojmë se koha që na është dhënë është e jona, ashtu siç varet nga ne që të vendosim se si ta përdorim atë.
Nëse nuk kujdesemi për veten, askush nuk do ta bëjë atë për ne. Kemi detyrën ta kultivojmë Unin tonë dhe ta bëjmë atë të rritet, të realizojmë ëndrrat tona dhe të kapërcejmë disfatat, të kërkojmë atë që na bën të lumtur dhe të marrim vendimin për të ndarë këtë lumturi me ata që duan ta jetojnë këtë privilegj.
