Gaforrja
Është shenjë e njohur për gjendjet e ndryshme dhe luhatjet e humorit, por ndonjëherë bëhet e vështirë për t’i kuptuar se pse ndryshojnë humor aq papritur. Familja është gjithçka për personat e shenjës së Gaforres, duke u bërë shpesh edhe arsyeja e ndryshimit të humorit të tyre. Nga ana tjetër, Gaforret kanë vështirësi t’i kalojnë me lehtësi gjërat që u kanë ndodhur në të shkuarën, si psh. një thyerje zemrë, apo një gabim që u ka ndryshuar komplet mënyrën se si sillen apo veprojnë. Mendohen gjatë për incidentet e së shkuarës që i kanë nevrikosur pamasë. Çelësi i të kuptuarit të një personi të shenjës së Gaforres është të kuptosh se çdo gjë që bëjnë, apo mendojnë ka të bëjë me zemrën e tyre.
Akrepi
Arsyeja kryesore se pse nuk mund ta kuptosh Akrepin është thjesht fakti që nuk duan që ti t’i kuptosh. Janë një shenjë tepër komplekse dhe mundohen të jenë të rezervuar, para të tjerëve dhe paksa manipulues. Janë ekstremisht intensë dhe të apasionuar në gjithë aspektet e jetës. Nuk ecin asnjëherë përpara pa e përfunduar diçka. E pranojnë se mund të jenë të fiksuar dhe hakmarrës, por askush nuk mund të luftojë për të mirën tënde se sa një Akrep, nëse ke një marrëdhënie të ngushtë me një person të kësaj shenje. Të luftuarit për diçka që e besojnë, apo për të ndrequr një gabim që kanë bërë, i bën personat e kësaj shenje të ndihen më të gjallë.
Ujori
Ujorët shpesh mund të jenë një mister, apo një enigmë. Janë ekstremisht të vështirë për t’u deshifruar, dhe kjo gjë mund të ndodhë sepse nuk i shprehin shumë emocionet e tyre, ose sepse janë tepër inteligjentë, saqë ndodhen pak më sipër të tjerëve. Janë të pavarur dhe nuk e ndiejnë detyrën t’u japin të tjerëve llogari për ato që bëjnë. Nëse e bëjnë një gjë të tillë, do të ndihen gjatë të frustruar. Ndonjëherë atyre u pëlqen të bëjnë gjëra të pazakonta për karakterin e tyre, thjesht për ta ndryshuar pak rutinën që ndjekin.
Peshqit
Është e vështirë ta keqkuptosh një person të shenjës së Peshqve, sepse shpesh atyre u vjen në mendje të mendojnë ide të reja apo të krijojnë gjëra të reja. Në vend që t’i shprehin ndjenjat e tyre me fjalë, një person i shenjës së Peshqve ndihet më mirë t’i shprehë ato përmes artit. Ndihen të frymëzuar, edhe pse jo gjithmonë me fjalë. Mund të duken si natyrë e ftohtë, por kjo gjë mund të mos ketë të bëjë fare me ty, por me vetë ata. Peshqit shpesh i kap mërzitja, edhe me gjëra tepër të vogla, por nuk preferojnë t’i shprehin ndjenjat e tyre dhe e mbajnë gjithçka përbrenda. Janë miqësorë me të tjerët dhe me veten, ndaj sjellja e tyre “normale” në shoqëri mund ta bëjë të vështirë për t’i kuptuar se çfarë po ndodh me ta.
Binjakët
Shumë persona mendojnë se vështirësia për t’i kuptuar Binjakët qëndron në personalitetin e tyre tepër kompleks, edhe pse kjo është një teori e gabuar. Ajo që ndodh me ta, është se thjesht disa herë mund të jenë tepër të shpejtë kur kalojnë nga njëra gjendje mendore në tjetrën, apo nga një mendim në tjetrin. Janë mjaft inteligjentë dhe entuziastë për të komunikuar me të tjerët, por e urrejnë të mërziten dhe kjo gjë mund të ketë efekt negativ në veprimet e tyre. Mund të ndodhë që ndonjëherë të humbasin drejtim dhe të mos ndjekin rrugëtimin që duan në jetë, por kjo lidhet me zgjedhjet e tyre shpesh herë të nxituara dhe kjo humbje e drejtimit ndikon negativisht në veprimet dhe sjelljet e tyre. Por gjithsesi, nuk është e nevojshme t’i kuptosh për të shijuar shoqërinë e tyre.
