Kur një martesë nuk shkon mirë, rikthimi i saj në rrugën e duhur nuk është i lehtë, sidomos nëse adoptoni sjellje tepër armiqësore ndaj partnerit. Natyrisht, gratë e sotme, duke pasur parasysh trashëgiminë e paraardhëseve të tyre, të cilat shpesh zgjidhnin familjen sepse duhej ta bënin këtë, dëshirojnë që të jenë zotër të ekzistencës së tyre dhe jo shërbëtorë të gatshëm për të përmbushur dëshirat e partnerit. Sidoqoftë, ky pretendim i drejtë nganjëherë ngatërrohet me një armiqësi të ekzagjeruar, e cila nuk e ndihmon martesën që të funksionojë. Në të vërtetë, kjo e fundit ka nevojë për bashkëpunimin reciprok dhe mirëkuptimin e të dyja palëve, që janë parakushte të domosdoshme për të ecur së bashku.
Nuk është e lehtë të jetosh me gabimet e një burri, veçanërisht nëse ai ka mjaftueshëm për “të shitur”. Por është po aq e rëndësishme të mbani mend se e njëjta gjë vlen edhe për veten tuaj. Sepse martesa është e bërë nga dashuria, por është gjithashtu një konstruksion që kërkon vullnet të mirë dhe një përpjekje për të kuptuar tjetrin dhe për ta dashur, pavarësisht nga papërsosmëria e pashmangshme. Kur kritikat ndaj tij janë në axhendë, qoftë direkte apo indirekte, ai e kupton, dhe e vuan, edhe kur nuk e tregon.
Ardhja e një fëmije ndryshon gjithmonë ekuilibrin e çiftit, veçanërisht në fillim, por me kalimin e kohës do të ishte e përshtatshme të rimerrnit hapësirat tuaja. Për shembull, duke mos i lënë ata të flenë në krevat me ju çdo natë, duke hequr kështu intimitetin nga marrëdhënia. Edhe marrja e tyre gjithmonë në shëtitjet e vogla, ndoshta për të shfryrë zemërimin e akumuluar ndaj burrit, nuk është një ide e mirë, të paktën jo gjithmonë. Dhe në përgjithësi, zëvendësimi me fëmijët i lëndon ata dhe martesën.
Grindjet janë të mira për çiftin deri në një pikë. Kur çdo arsye është e mirë për të bërtitur, ndoshta duhet të pyesim sinqerisht në lidhje marrëdhënien. Ndonjëherë grindja fsheh një pakënaqësi të thellë, e cila nëse në disa raste varet nga sjellja e gabuar e partnerit, në të tjera thjesht tregon fundin e ndjenjës, gjë e cila ndoshta është e vështirë për t’u pranuar. Sidoqoftë, grindjet e vazhdueshme na tregojnë se diçka nuk shkon dhe është mirë të këqyrim me kujdes, para se të jetë tepër vonë.
Kur një martesë nuk funksionon, seksi zvogëlohet gradualisht, duke ardhur e u perceptuar jo si diçka e bukur, por si një detyrim i bezdisshëm, një detyrë bashkëshortore e mërzitshme. Por seksi është jashtëzakonisht i rëndësishëm për çdo çift dhe të mësohesh që të heqësh dorë, në vend që të gjesh mënyra për të rindezur shkëndijën, është e dëmshme.
Ka njerëz që preferojnë indiferencën ndaj debateve. Në këto raste heshtja zëvendëson britmat, por situata sigurisht që nuk është më e mirë. Indiferenca është një armë e mprehtë, e cila gradualisht destabilizon plotësisht marrëdhënien, duke krijuar një pengesë të pakapërcyeshme midis burrit dhe gruas. Sa më shumë të zgjasë, aq më e vështirë është të nisni ndonjë diskutim. Dhe nëse nuk ka dialog në një martesë, është e qartë se rreziku i thyerjes rritet në mënyrë dramatike. / MeB
