Pavarësisht nëse jeni mjaftueshëm i rritur për të shijuar pijen alkoolike të rastit, ose keni parë disa nga efektet e çuditshme të sjelljes që mund të ketë tek njerëzit e tjerë, dihet se pirja e alkoolit i deh njerëzit. Por çfarë do të thotë kjo?
Çfarë është ajo gjë në ato gota, shishe apo kanaçe që mund të ndryshojnë kontrollin që njerëzit kanë mbi trupin e tyre? Nxitësi kryesor është një përbërës i quajtur etanol, me formulën kimike C2H5OH. Etanoli prodhohet kur majaja fermenton sheqernat në fruta, drithëra dhe perime. Produkte të ndryshme alkoolike emërtohen në bazë të burimit të alkoolit.
Xhini është bërë nga sheqeri i fermentuar në drithëra, të tilla si gruri dhe elbi, vodka përdor sheqerin nga patatet ose drithërat dhe vera bëhet nga rrushi. Ndërsa alkooli prodhohet në një shkallë industriale për konsum njerëzor, bimët gjithashtu prodhojnë alkool në mënyrë natyrale.
Po kështu, njerëzit nuk janë speciet e vetme që konsumojnë alkool. Shumë kafshë hanë ushqime të fermentuara, duke u dehur rastësisht ose dhe me qëllim. Çdo specie ka evoluar për të trajtuar marrjen e alkoolit në mënyra të ndryshme. Për shembull, specia me emrin Ptilocercidae ka tolerancën më të lartë të alkoolit në botë, duke i lejuar të përdorin sasi të mëdha të bimëve të fermentuara si burim ushqimor. Njerëzit, ndërkohë, mund të rrezikojnë seriozisht sëmundje dhe madje vdekje nëse kufijtë tanë nuk merren parasysh me kujdes. Nga argëtimi tek dëmi, ja se si na deh alkooli.
Nga esël në tapë, ndiqni udhëtimin e alkoolit pasi hyn në trup
1 HYRJA E PARË
Sapo alkooli futet në gojë, një pjesë e tij hyn në qarkullimin e gjakut nëpërmjet enëve të gjakut në gojë dhe gjuhë.
2 NË STOMAK
Rreth 20 për qind e alkoolit hyn në qarkullimin e gjakut në stomak. Ky është një proces më i ngadaltë nëse stomaku është plot me ushqim.
3 PËRTHITHJA FINALE
Çdo alkool i mbetur absorbohet në qarkullimin e gjakut në zorrën e vogël.
4 RRUGA E GJAKUT
