Gjenerali i Ushtrisë amerikane, Robert H. Scales, tha se e vetmja mënyrë për të kthyer paqen në lindjen e Ukrainës, është vrasja masive e ushtarëve rusë.
Duke u përgjigjur në pyetjen se a do të ketë efekt dërgimi i tremijë trupave amerikane dhe të pajisjeve ushtarake në shtetet e Evropës Lindore, ai tha se kjo nuk do të ketë asnjë ndikim në situatën në Ukrainë.
“Mendoj se kjo lëvizje nuk do të ketë efekt në Ukrainë.
E vetmja mënyrë që Shtetet e Bashkuara mund të kenë një ndikim në zhvillimin e situatës në lindje të Ukrainës, dhe që gjërat të kthehen në vend të vet, është vrasja e rusëve.
Të vrasim aq shumë rusë sa që as mediat e Vladimir Putinit nuk do të mund t’i fshehin trupat e pajetë të ushtarëve rusë të kthyer në arkivole”, tha Scales për Fox News.
Kujtojmë se ditë më parë SHBA-të kishin dërguar disa tanke dhe pajisje të rënda në kuadër të NATO-s në shtetet e Baltikut – Estoni, Letoni dhe Lituani – ndërsa Rusia ka dërguar në Krime disa sisteme anti-raketore.
