Ekzistojnë dy shenja të horoskopit që e kanë shumë të vështirë të gjejnë dashurinë e vërtetë dhe të jenë pjesë e një marrëdhënie të qëndrueshme. Jo të gjithë munden ta gjejnë personin e duhur, pavarësisht se sa mundohen, por që ka disa shenja të horoskopit më pak të favorizuara për të gjetur dashurinë e vërtetë.
Ndaj, nëse ke hasur vështirësi për ta gjetur shpirtin tënd binjak, ndoshta i përket këtyre dy shenjave të horoskopit që do të trajtojmë më poshtë. Bëhet fjala për Dashin dhe Luanin. Janë të dyja shenja të zjarrit, të cilat e kanë të vështirë të mbajnë një marrëdhënie. Kjo është arsyeja pse.
Dashi
Është vërtet e vështirë për Dashin të gjejë dashurinë e vërtetë. Raportet afatgjata dhe marrëdhëniet e qëndrueshme janë koncepte që nuk i përkasin kësaj shenje të horoskopit. Nuk kanë një ide mbi dashurinë e sinqertë dhe janë persona mjaft mosbesues ndaj të tjerëve. Pavarësisht faktit që janë të lumtur të ndajnë jetën e tyre me një person tjetër, nuk arrijnë dot të heqin dorë nga liria dhe pavarësia e tyre.
Luani
Personat e lindur në këtë shenjë të horoskopit, kanë një botëkuptim mjaft kompleks mbi dashurinë. Nuk ia mbathin dashurisë, por e kanë të vështirë ta krijojnë një marrëdhënie të qëndrueshme. Duan të jenë përherë në qendër të vëmendjes dhe nuk e humbasin mundësinë e flirtimin me dikë tjetër, edhe pse mund të jenë në një lidhje. Kush mundohet t’i afrohet kësaj shenje të horoskopit, shpesh ndihet i dekurajuar pikërisht për këtë formë sjelljeje tradhtare ndaj personit që kanë përkrah.
Dashi dhe Luani janë shenja që bezdisen lehtësisht dhe janë thuajse përherë në kërkim të stimujve të rinj, sidomos stimujve mendorë. Është e vështirë, pra, të krijohet një raport afatgjatë dhe i qetë me këto shenja të horoskopit.
