Të shtiresh si personi që nuk je, ai ka interpretime të ndryshme. Ose njerëzit ndjehen të vetëdijshëm dhe duan të paraqiten ndryshe nga sa janë, ose kërkojnë përmes “kostumeve” të personalitetit për të mashtruar të tjerët dhe për këtë arsye marrin përfitime për veten e tyre.
Ne e shohim shumë shpesh në ata që janë të sjellshëm vetëm kur të tjerët janë të pranishëm. Eshtë vetëm një fasadë hipokrite dhe e rreme që padyshim fsheh një qëllim.
Ata që janë vërtet të sjellshëm dhe të interesuar pa ndonjë qëllim të dytë për të bërë mirë me të tjerët, mos prisni të keni një audiencë që admiron qëndrimin e tyre.
Kështu janë ata, gjithmonë. Me një dashamirësi të sinqertë që vjen nga zemra. Dhe zakonisht, ky nuk është tipari i tyre i vetëm. Ata gjithashtu kanë tendencë të jenë të kuptueshëm, transparentë dhe të aftë të dëgjojnë të tjerët. Eshtë thjesht mënyra e tyre për të parë jetën.
Njerëz miqësorë për nga natyra, është shumë e lehtë të njihen. Jo aq shumë për mënyrën se si flasin, por për qëndrimet që kanë me të tjerët.
Mirësia e sinqertë, e cila nuk ka qëllim të dyfishtë, përkthehet në gjeste të thjeshta, siç është lënia mënjanë e telefonit celular dhe kushtimi i vëmendjes tek biseda me tjetrin. Ose bërja e pyetjeve që tregojnë interes.
Në këto kohë kur të gjithë mund të bëhemi pak indiferentë ndaj njëri-tjetrit, të ndjerit të dëgjuar mund të bëjë një ndryshim të madh.
Njerëzit fallco, që përpiqen të duken thjesht të sjellshëm, kujtojnë se të tjerët nuk ua kuptojnë veprimet e tyre. Dhe e vërteta është se jo vetëm që ne e shohim, por gjithashtu na shkakton një keqardhje të vogël; sepse është e vështirë të duash dikë që pretendon të jetë diçka që nuk është.
Kur një person është miqësor, ai është gjithashtu i sinqertë dhe dëgjon pa gjykuar. Eshtë e dhimbshme të flasësh me dikë që ka mijëra paragjykime dhe nuk është në gjendje të pranojë ide të tjera, sepse pëlqen vetëm idetë e veta.
Mirësia nuk është thjesht të bësh një favor tjetër ose të hapësh derën, kur dikush hyn ose largohet. Mirësia ka të bëjë edhe me mbajtjen e një profili të ulët dhe të mos pretendosh të jesh mbi të tjerët.
Ata që janë miqësorë janë gjithashtu të qëndrueshëm, dhe bëjnë përshtypje të mirë që në minutat e para. A e dini se shkenca thotë që ne vendosim nëse na pëlqen apo nuk na pëlqen dikush, në 7 sekondat e para të takimit me të?
Mirësia krijon ambiente të mira pune, gjeneron harmoni në familje, bën takime mes miqve. Njerëzit miqësorë janë njerëz të vlerësuar nga të tjerët dhe kjo i bën ata të pajisen me një personalitet unik, ata dinë të marrin më të mirën nga të tjerët dhe të krijojnë mjedise të mira e miqësore. / meb.al
