Çfarë ndodh kur u jep amerikanëve harta politike memece të Evropës dhe u kërkon t’i plotësojnë emrat e shteteve? Buzzfeed e ka provuar, dhe përgjigjet janë vërtetë argëtuese.
Duket se njerëzit kanë prirjen të dijnë se nga vijnë prindërit, gjyshërit apo stërgjyshërit e tyre, por përtej kësaj, njohuritë nisin e hollohen.
Vendet skandinave janë “të ftohtë”, ose kanë popullsi me “njerëz bjondë shumë seksi”.
Shumë prej atyre që u përgjigjën, ndonëse nuk e njohin mirë gjeografinë, duket se njohin fare mirë “Boratin”.
Shumica dinë edhe se ku është Rusia dhe që atje bën ftohtë.
Kur nuk e di përgjigjen, thjeshtë tund kokën dhe buzëqesh sikur e di.
Kishte dhe shumë ndjesa. Për mamanë dhe për… Znj. Harris, që me sa duket ka qenë zysha e Gjeografisë.
Ndërkohë që është vërtetë për të qeshur, duket se janë shumë amerikanë që kanë nevojë t’ia heqin pluhurin Atlasit dhe të zbulojnë se si është bota në anën tjetër të oqeanit. / bota.al
