Të dhënat e fundit nga firma e hulumtimeve comScore thonë se sistemi më i madh operativ në SHBA ende mbetet platforma mobile e Google, Android, edhe pse pjesëmarrja e saj thuhet se ka rënë nga 52.5 për qind në 51.5 për qind, gjatë muajit korrik. iOS, sistemi i dytë më i madh operativ është rritur në pjesëmarrje, përkatësisht nga 41.4 për qind në 42.4 për qind, gjatë periudhës së njëjtë kohore. Windows Phone radhitet në vendin e tretë, me një rritje nga 3.3 për qind sa kishte në muajin prill në 3.6 për qind në muajin korrik. BlackBerry është platforma e katërt mobile me një rënie nga 2.5 në 2.3 për qind. Symbian mbetet e pesta, me një rënie nga 0.2 për qind, në 0.1 për qind. Prodhuesi lider në SHBA ende është Apple, me 42.4 për qind të tregut, nga 41.4 për qind sa kishte në muajin prill, ndërsa Samsung është i dyti me 28.4 për qind, që është rritur nga 27.7 për qind sa kishte në muajin prill. LG është prodhuesi i tretë me 6.4 për qind, i përcjellë nga Motorola me 5.7 për qind dhe HTC me 4.7për qind. (Telegrafi)
1 minute read
