“Nuk mund të konfirmojmë apo as mohojmë që ky është publikimi ynë i parë në twitter”, ka deklaruar CIA në rrjetin e saj zyrtar twitter duke shfaqur një sens të theksuar humori. Pak orë pas hapjes së llogarive në rrjetet sociale, facebook dhe twitter, CIA ka bërë publikimin e saj të parë duke u shfaqur dyshuese por edhe qesharake. Agjensia Qëndrore e Inteligjencës, ka lënë pa fjalë mijëra ndjekës së saj në rrjetin social pas këtij publikimi. Rreth 30 minuta pas hapjes së llogarisë, CIA kishte rreth 27 mijë ndjekës të cilët sa vjen edhe shtohen. Sipas agjensisë Twitter-i, do të përdoret për të lëshuar dokumente dhe deklarata që kanë të bëjnë me çështje të lajmeve, kur ato të ndodhin: “Duke u angazhuar nëpërmjet këtyre platformave, CIA do të mund të lidhet më drejtpërdrejt me publikun dhe të japë informacione mbi misionin e saj, historinë dhe zhvillime të tjera”, ka bërë me dije drejtori i CIA-s, John Brennan në një njoftim publik. /Shekulli/
1 minute read